Korea Tour Vlog | Busan Gwanganli Beach / កន្លែងទេសចរដ៏ស្រស់ស្អាតមួយនៅ ប៊ូសាន ប្រទេសកូរ៉េ

March 24, 2022

Korea Tour Vlog | Busan Gwanganli Beach / កន្លែងទេសចរដ៏ស្រស់ស្អាតមួយនៅ ប៊ូសាន ប្រទេសកូរ៉េ

សួរស្តីប្រិយមិត្តអ្នកអានទាំងអស់គ្នា!!

អាកាសធាតុត្រជាក់ចាប់ផ្តើមកន្លងផុតទៅ រដូវផ្ការីកក៏កាន់តែជិតមកដល់ តើអ្នកទាំងអស់គ្នាមានគំរោងធ្វើដំណើរកម្សាន្តទៅណាដែរ?^^ ប្រសិនបើអត់ទាន់មានទេ Admin ណាណា នឹងណែនាំតំបន់មួយដែលមានឆ្នេរខ្សាច់ដ៏ស្រស់ស្អាតនោះគឺ ឆ្នេរ ក្វាងងាំលី Gwanganli Beach នៅប៊ូសាន ប្រទេសកូរ៉េ។

Gwanganli Beach គឺជាឆ្នេរមួយតូចមួយក៏ពិតមែន តែបើនិយាយពីទេសភាពវិញស្រស់ស្អាត មិនចាញ់ឆ្នេរដែលមានទំហំធំៗឡើយ នៅទីនោះមាន សណ្ឋាគារ ហាងកាហ្វេ និង ហាងអាហារ ជាច្រើន ជាមួយនឹងការតុបតែងដ៏មានភាពទាក់ទាញផងដែរ។

ផ្នែកដែលសំខាន់នៃដំណើរកំសាន្ត គឺសណ្ឋាគារនោះអី^^

ជាការពិតគ្រប់កន្លែងទេសចរតែងតែមានសណ្ឋាគារជាច្រើន តែអ្វីដែលសំខាន់គឺ ការជ្រើសរើសសណ្ឋាគារដែលល្អ មានទេសភាពស្អាត និង មានផាកសុខភាព ដែលធ្វើអោយដំណើរកំសាន្តរបស់លោកអ្នកកាន់តែមានភាពសប្បាយរីករាយថែមមួយកំរិតទៀត។ ដូច្នេះ Admin សូមណែនាំសណ្ឋាគារ ២កន្លែងជូនអ្នកទាំងអស់គ្នា នោះគឺ The Bay Club Hotel និង Hotel1។

The Bay Club Hotel មានចំណុចពិសេសមួយដែលអ្នកទេសចរមួយចំនួនមិនបានដឹងនោះគឺ មានបន្ទប់ស្បាដែលធ្វើឡើងពីដើមឬស្សី (Hinoki Bath Balcony)ដែលអាចធ្វើការស្បា នឹងអាចមើលទេសភាពឆ្នេរខ្សាច់ក្នុងពេលតែមួយបាន។ ថ្វីត្បិតតែទីនោះមានឈ្មោះថាសណ្ឋាគារមែនពិត តែនៅក្នុងបន្ទប់មានបំពាក់គ្រឿងបរិក្ខាល្អៗជាច្រើន ជាពិសេសគឺមានផ្ទះបាយដែលផ្តល់ងាយស្រួលដល់ភ្ញៀវទេសចរណ៌ផងដែរ។

Hotel1 គឺជាកន្លែងមួយដ៏ល្អសំរាប់ គូរស្នេហ៌ ឬ គូស្វាមីភរិយា ដែលទីនោះមានការតុបតែងបែបរ៉ូមែនទិច រចនាដោយជញ្ជាំព័ណ៍សថ្លា និង មានបន្ទប់ដែលអាចមើលឃើញទេសភាពសមុទ្រ និង ភ្នំ ដែលនេះជាចំណុចដ៏ទាក់ទាញមួយបែប។ សម្រាប់អ្នកដែលមិនទាន់មានគូរក៏អាចទៅបានដែរណា^^ ព្រោះរាល់បន្ទប់សុទ្ធតែមានទំហំធំទូលាយដែលអាចចំណាយពេលវេលាជាមួយមិត្តភ័ក្រ ឬ ក្រុមគ្រួសារបានផងដែរ។

ផ្នែកដែលទាក់ទាញមួយទៀត នៅសណ្ឋាគារនេះមានដំបូល ២ជាន់ និងមានជណ្តើរខ្ពស់ Jacuzzisដែលជាកន្លែងដ៏ស្រស់ស្អាតសម្រាប់អ្នកដែលពេញនិយម ចូលចិត្តថតរូប។ បើនិយាយពីទេសភាពលើដំបូលអគារវិញ អ្នកទាំងអស់គ្នាអាចចំណាយពេល ចាប់ថ្ងៃរហូតដល់ពេលយប់ មិនត្រឹមប៉ុណ្ណោះទេ ពេលយប់មានអាហារសម្រន់ និង Bar ផងដែរ^^។

បន្ទាប់ពីយើងបានស្គាល់កន្លែងស្នាក់នៅហើយ ឥឡូវនេះយើងមកមើលពីអាហារម្តង^^ ជាការពិតណាស់រាល់ដំណើរកម្សាន្តអ្វីដែលចោលមិនបានគឺអាហារ។ នៅឆ្នេរ Gwanganli មានកន្លែងអាហារជាច្រើន ដែលភាគច្រើនភ្ញៀវទេសចរនិយមចូលចិត្តនោះ គឺប្រភេទអាហារបែបជួបជុំគ្នាមានដូចជា ស្លាបមាន់ហឹរ ជាមួយស្រាបៀត្រជាក់ រួមជាមួយនំភីហ្សាដ៏ឆ្ងុយឆ្ងាញ់ ក៏ដូចជា ដំឡូងបារាំងចៀនជាមួយនិងឈីស។ អ្នកអាចទទួលអាហារទាំងនោះបណ្តើរ គយគន់ជាមួយនិងទេសភាពឆ្នេរសមុទ្រផងដែរ ដែលធ្វើអោយមានបរិយាកាសកាន់តែល្អបន្ថែមទៀតមួយកំរិតទៀត។

ចំណែកអ្នកដែលចូលចិត្តបរិភោគអាហារ អាហារបួស ឬ អាហារសុខភាពវិញ កុំបារម្ភអីទីនោះក៏មានជម្រើសសំរាប់ពួកគាត់ដែរ^^

ផ្នែកបន្ទាប់ទៀតគឺ មានសួន Sashimi Park, សួនទឹក Minrak Waterside Park។ នៅ Minrak Park មានផ្សារគ្រឿងសមុទ្រដ៏ធំមួយ ដែលអ្នកអាចទិញប្រភេទសាច់ត្រីបន្ទះស្រស់ៗ ក្រៅពីផ្សារគ្រឿងសមុទ្រ ក៏មានភោជនីយដ្ឋាន ក៏ដូចជាហាងអាហារតាមផ្លូវផ្សេងៗទៀត សម្រាប់អ្នកដែលមិនចេះទទួលទានអាហារស្រស់ផងដែរ។ សម្រាប់ការទទួលទានអាហារស្រស់ Sashimi អ្នកទិញខ្ចប់យកទៅញុាំ នៅសួរច្បារដែលមានទីតាំងនៅទល់មុខឆ្នេរ។ ប្រសិនបើអ្នកត្រៀមសម្លៀកបំពាក់ ឬ កម្រាលពូក យកទៅជាមួយកាន់តែមានផាកសុកភាពបន្ថែមទៀត។ ដោយសារទីនោះក៏ជាសួនឧទ្យាន មានផ្លូវដើរតូចមួយដែលអ្នកអាចថតផ្តិតយកទេសភាពស្រស់ស្អាតបានផងដែរ។