តិចនិក ៧យ៉ាង ក្នុងការសម្រកគីឡូសំរាប់អ្នកទើបចាប់ផ្តើមដំបូង

April 10, 2022

តិចនិក ៧យ៉ាង ក្នុងការសម្រកគីឡូសំរាប់អ្នកទើបចាប់ផ្តើមដំបូង

សួរស្តីអ្នកទាំងអស់គ្នា^^

ត្រលប់មកជួបគ្នាវិញម្តងទៀតហើយជាមួយ Admin ណាណា

រដូវក្តៅជិតមកដល់ហើយ អ្នកណាខ្លះត្រៀមខ្លួនសម្រាប់ការសម្រកគីឡូ?

ជាការពិតណាស់ការសម្រកគីឡូមិនមែនជារឿងងាយនោះទេ ហើយការសម្រកនេះត្រូវការ ការចំណាយពេលវេលា និង អត់ធ្មន់ជាខ្លាំង ជាពិសេសសម្រាប់អ្នកដែលចាប់ផ្តើមសម្រកទំងន់ជាលើកដំបូងតែម្តង តែកំុបារម្ភអី ការព្យាយាមគង់តែបានសម្រេចនោះទេ។

តោះឥឡូវនេះ Admin និងណែនាំពីវិធីសាស្ត្រសម្រក់គីឡូ សម្រាប់អ្នកដែលទើបនិងចាប់ផ្តើមលើកដំបូង សង្ឃឹមថាវាអាចជាគន្លឹះមួយជួយដល់ការសម្រករបស់អ្នក។

១. ការទទួលទានទឹក

ការទទួលទានទឹកអោយបានច្រើនជាប្រចាំមានអត្ថប្រយោជន៌ជាដូចជា បណ្តេញជាតិពុលចេញពីរាងកាយ លាងសំអាតពោះវៀន សម្រួលដល់ការរំលាយអាហារ ទប់ស្កាត់បញ្ហាឈឺក្បាល និង ផ្តើមសំណើមដល់ស្បែក ជាដើម ។ល។ តាមអ្នកស្រាវជ្រាវបានបង្ហាញថា ការទទួលទានទឹកមួយកែវមុនពេលទទួលទានអាហារ ៣០នាទី អាចជួយដល់ការសម្រកទម្ងន់បានដល់ ៤៥% ក្នុងរយៈពេល ៣ខែ។

២. ទទួលទានអាហារសរសៃ

អាហារសរសៃ ឬ ហៅបាន Fiber ភាគច្រើនត្រូវបានគេស្គាល់ថាជាអាហារដែលងាយធ្វើអោយឆាប់ឆ្អែត។ សារជាតិ Fiber មានអត្ថប្រយោជន៌ដល់ការរំលាយអាហារ គ្រប់គ្រងកូឡេស្តេរ៉ូល និងជាតិស្ករ ជួយបង្កើនបាកតេរីល្អក្នុងខ្លួនរបស់អ្នក ការពារជំងឺមហារីក និង ជួយរក្សាទំងន់ខ្លួនបានផងដែរ។

៣. កុំអង្គុយទល់មុខកន្លែងតាំងចំណីអាហារ

ការអង្គុយនៅពីមុនកន្លែងដាក់តាំងអាហារធ្វើអោយកើនចំណង់អាហារបន្ថែម ដូច្នេះហើយដើម្បីគ្រប់គ្រងការញុាំអាហាររបស់អ្នកបាន គួរតែអង្គុយអោយឆ្ងាយ ឬ បែរចេញកន្លែងដែលមានតាំងអាហារច្រើន។

៤. ការទទួលយកវីតាមីន D អោយបានច្រើន

តើអ្នកធ្លាប់បានដឹងពីមុនមកឬទេ ថាវីតាមីន D អាចបញ្ចុះទំងន់បាន?

តាមការស្រាវជ្រាវ មួយបានបង្ហាញថា ការតាមដានស្ត្រីចំនួយ ៤៦៥៩នាក់ ក្នុងរយៈពេល ៤ឆ្នាំ ឃើញថា កំរិតខ្ពស់ការឡើងទម្ងន់របស់ពួកគេគឺមានតិច។ ដូច្នេះហើយ ការហាលថ្ងៃយកពន្លឺព្រះអាទិត្យរយៈពេល ១០ ទៅ ១៥នាទីជារៀងរាល់ព្រឹក ជាទម្លាប់ដ៏ល្អមួយសម្រាប់ការសម្រកទម្ងន់។

៥. ទទួលទានអាហារច្រើនប្រភេទ តែបរិមាណតិច

ជាការពិតណាស់ការទទួលទានអាហារតិច អាចជួយអោយទំងន់ស្រកមែនពិត តែការទទួលអាហារច្រើនមុខដែលមានជីវៈជាតិគ្រប់គា្រន់ក្នុងបរិមាណតិច គឺល្អសម្រាប់ការសម្រកទំងន់ និង សុខភាពផងដែរ។

៦. ការហាត់ប្រាណ

គ្រាន់តែលឺពាក្យថាសម្រកទំងន់ច្បាស់ណាស់ យើងប្រាកដជានឹកឃើញមុនគេដល់ការហាត់ប្រាណហើយ។ ទម្លាប់ក្នុងការចំណាយពេលវេលាត្រឹមតែ ៣០នាទី ជារៀងរាល់ថ្ងៃអាចជួយដល់ការសម្រកទំងន់របស់លោកអ្នកទទួលបានប្រសិទ្ធភាព។

៧. ការគេង

របបអាហារមានសារៈសំខាន់ក្នុងការសម្រកទំងន់ តែការគេងក៏មានសារៈសំខាន់ដែរសំរាប់មនុស្សម្នាក់ៗ ការគេងបានគ្រប់គ្រាន់វាអាចជួយផ្តល់ថាមពល់ដល់អ្នកសំរាប់ការបំពេញការងារពេញមួយថ្ងៃ និង ការសម្រកទម្ងន់របស់អ្នកបានផងដែរ។

***********************************

យ៉ាងម៉េចដែរអ្នកទាំងអស់គ្នា បន្ទាប់ពីអានអត្ថបទរួច Admin សង្ឃឹមថា អត្ថបទមួយនេះអាចជួយដល់ការសម្រកទំងន់របស់លោកអ្នក^^។

អរគុណចំពោះការចូលរួមអានអត្ថបទ ជួបគ្នាម្តងទៀតនៅអត្ថបទបន្ទាប់។

💗 NANA Make Me Better 💗