ការវះកាត់ធ្វើថ្ពាល់ខួច ដើម្បីទទួលបានសម្រស់ដូចតារាកូរ៉េ😍🥰

June 22, 2022

ការវះកាត់ធ្វើថ្ពាល់ខួច ដើម្បីទទួលបានសម្រស់ដូចតារាកូរ៉េ😍🥰

ស្នាមញញឹមជាសម្រស់ដ៏ទាក់ទាញមួយសំរាប់មនុស្សម្នាក់ៗមិនថាស្រី ឬ ប្រុសទេ តែបើមានថ្ពាល់ខួចវិញ វាកាន់តែធ្វើអោយធ្វើអោយសម្រស់របស់យើង មានភាពទាក់ទាញ និង មានមន្តស្នេហ៌ថែមមួយកម្រិតទៀត។ ដូច្នេះហើយមិនចាំបាច់តែមានដងខ្លួនស្រឡូន ជើងវែងស្អាតដូចតារានោះទេ មានត្រឹមតែស្នាមញញឹមគឺគ្រប់គ្រាន់សម្រាប់ការទាក់ទាញពីមនុស្សជុំវិញខ្លួន និង ពីមនុស្សផ្ទុយភេទផងដែរ។

មិនមែនមនុស្សគ្រប់រូប សុទ្ធតែកើតមកមានស្នាមថ្ពាល់ខួចពីកំណើតនោះទេ វាអាចកើតមានពីកំណើត រីឯអ្នកខ្លះកើតមកពីការត្រូវរបួស ហើយស្នាមទាំងនេះត្រូវបានចាត់ទុកថាជាភាពស្រស់ស្អាត និង ជាសំណាងផងដែរ។ ដូច្នេះហើយទើបបច្ចុប្បន្ននេះ ចំនួននៃអ្នកវះកាត់ធ្វើថ្ពាល់ខួច បានកើនឡើងយ៉ាងខ្លាំង។

តើអ្នកទាំងអស់គ្នាដឹងទេថា អ្វីទៅគឺជាការវះកាត់ធ្វើថ្ពាល់ខួច?

ការវះកាត់ថ្ពាល់ខួចគឺជាការវះកាត់កែសម្ផស្សមួយបែប ធ្វើអោយមានស្នាមផតចូលក្នុងនៅពេលញញឹម។ ហើយស្នាមខួចផតចូលក្នុងនេះផងដែរភាគច្រើនមាននៅត្រង់ផ្នែកខាងក្រោមថ្ពាល់ និង ពេលខ្លះមាននៅជិតចង្កា។

នៅពេលដែលលោកអ្នកសម្រេចចិត្តធ្វើការវះកាត់ស្នាមថ្ពាល់ខួច អ្នកគួរតែស្វែងរកគ្រូពេទ្យវះកាត់កែសម្ផស្សដែលមានជំនាញ និង បទពិសោធន៌ ដើម្បីធ្វើការពិគ្រោះយោបល់ពីរបៀបនៃការវះកាត់ អត្ថប្រយោជន៌ និង ហានិភ័យដែលអាចកើតមានឡើងផងដែរ។ ព្រោះវេជ្ជបណ្ឌិតកែសម្ផស្សមានជំនាញក្នុងការកំណត់ថាតើស្ថានភាពនៃសាច់ដុំថ្ពាល់ ទីតាំងនិង សមាមាត្របែបណាដែលសាកសមក្នុងការវះកាត់។

ការវះកាត់ថ្ពាល់ខួច ឬ ហៅថា Dimpleplastyគឺជាបច្ចេកទេសនៃការដេរស្បែក និង សាច់ដុំនៅខាងក្នុងប្រហោងមាត់។ ចំពោះដំណើរការវះកាត់ បន្ទាប់ពីប្រើថ្នាំសន្លប់រួច វេជ្ជបណ្ឌិត និង ធ្វើការវះកាត់នៅសាច់ថ្ពាល់ផ្នែកខាងក្នុង ដោយដេរចងស្បែក និង សាច់ដុំថ្ពាល់ ដើម្បីកុំអោយមានស្លាកស្នាម និង បង្កើតបានជាស្នាមថ្ពាល់ខួចដ៏ស្រស់ស្អាតបែបធម្មជាតិ។

រយៈពេលនៃការជាសះស្បើយ

ចំពោះការជាសះស្បើយ និង ការថែទាំក្រោយវះកាត់គឺមានលក្ខណៈសាមញ្ញណាស់ ដោយបន្ទាប់ពីវះកាត់រួច មិនចាំបាច់ស្នាក់នៅមន្ទីរពេទ្យទេ គឺអាចចេញទៅផ្ទះបាន។ បន្ទាប់ពីវះកាត់រួច ត្រង់តំបន់ថ្ពាល់អាចនិងមានហើមបន្តិច ដូច្នេះការស្អំបន្ទះត្រជាក់គឺចាំបាច់ ដើម្បីកាត់បន្ថយការហើម ហើយវានិងបាត់ទាំងស្រុងបន្ទាប់ពី ២ ទៅ ៣ថ្ងៃ។

រយៈពេលដែលអាចឃើញលទ្ធផលបន្ទាប់ពីវះកាត់រួច

បន្ទាប់ពីវះកាត់ហើយដំបូង អ្នកនឹងឃើញមានថ្ពាល់ខួច ទោះបីជាមិនញញឹមក៏ដោយ។ បន្ទាប់ពីវះកាត់រួចរយៈពេលពី ១ខែ ទៅ ២ខែ ស្នាមថ្ពាល់ខួច និងបាត់ទៅវិញដោយខ្លួនឯង ហើយស្នាមខួចលេចឡើងបែបធម្មជាតិនៅពេលញញឹម។

ការវះកាត់ថ្ពាល់ខួច គឺជាការវះកាត់បែបងាយៗក៏ពិតមែន ប៉ុន្តែវាក៏ទាមទារអោយវះកាត់ជាមួយវេជ្ជបណ្ឌិតដែលមានសមត្ថភាព និង មានបទពិសោធន៌ខ្ពស់ ដើម្បីជៀសវាងហានិភ័យដែលអាចកើតមានឡើង។ ដូច្នេះហើយប្រសិនបើអ្នកទាំងអស់គ្នាចង់វះកាត់ថ្ពាល់ខួច អ្នកទាំងអស់គ្នាគួរតែទៅមន្ទីរពេទ្យដែលមានកេរ្តិ៌ឈ្មោះ និង មានក្រុមវេជ្ជបណ្ឌិតជំនាញ ដើម្បីទទួលបានសុវត្ថិភាព និង ទំនុកចិត្ត។