SKIN CARE ROUTINE | ទម្លាប់ទាំង៧យ៉ាង ដែលអាចជួយថែរក្សាស្បែកមុខអោយនៅក្មេង

June 28, 2022

SKIN CARE ROUTINE | ទម្លាប់ទាំង៧យ៉ាង ដែលអាចជួយថែរក្សាស្បែកមុខអោយនៅក្មេង

លើលោកនេះអ្នកណាដែលមិនថាចង់បានស្បែកតឹងណែនដូចកូនក្មេងនោះ។ ជាពិសេសនារីៗ សម័យបច្ចុប្បន្ននេះតែម្តង ដូច្នេះហើយនារីៗគ្រប់រូបត្រូវរៀបចំខ្លួន និង ទម្លប់យ៉ាងណាដើម្បីការពារសម្រស់ស្បែកអោយនៅបានល្អជានិច្ច។

១. ការលាងសំអាតថ្នមៗ

ការលាងសម្អាតស្បែកថ្នមៗគឺមានសារៈសំខាន់ខ្លាំងណាស់។ អ្នកគួរតែជៀសវាងការប្រើផលិតផលដែលលាងមុខ ឬលុបគ្រឿងសម្អាងខ្លាំងពេក ដែលអាចបណ្តាលឱ្យរលាក ខូច បាត់បង់ជាតិប្រេងដែលការពារស្បែក។ ជំនួសមកវិញ ដោយជ្រើសរើសយកផលិតផលសម្អាតមានសារធាតុ pH ធ្វើអោយមានតុល្យភាព ដែលលុបបំបាត់ភាពកខ្វក់ដោយមិនធ្វើឱ្យស្បែកគ្រើម។

២. ការបិទម៉ាសមុខជាប្រចាំ

ទម្លាប់នៃការបិទម៉ាសមុខជាប្រចាំពីរដងក្នុងមួយសប្តាហ៍ ជួយផ្តល់សំណើមខ្លាំងនឹងធ្វើឱ្យអ្នកភ្ញាក់ផ្អើលជាមួយនឹងប្រសិទ្ធភាពរបស់វា។ ការបិទម៉ាសជាប្រចាំនឹងជួយឱ្យស្បែកមានសារជាតិបំប៉នបន្ថែម រក្សាស្បែកឱ្យមានសំណើម និង ទន់ល្មើយ។ អ្នកអាចជ្រើសរើសប្រើម៉ាសផ្តល់សំណើម ដែលអាចការពារភាពចាស់ និង ជួយឱ្យស្បែកកាន់តែប្រសើរឡើង។

៣. ម៉ាស្សាមុខជាមួយផលិតផលសំអាង

នៅពេលប្រើប្រាស់ផលិតផលថែរក្សាស្បែក អ្នកគួរតែធ្វើចលនាម៉ាស្សាបន្ថែមទៀត។ ចលនាម៉ាស្សានឹងជួយឱ្យសារធាតុចិញ្ចឹមជ្រាបចូលកាន់តែជ្រៅ ជំរុញចលនាឈាម រក្សាស្បែកឱ្យមានពណ៌ថ្លាសុីជម្ពូ។ នៅពេលម៉ាស្សា អ្នកគួរតែប្រើចុងម្រាមដៃ ម៉ាស្សាជារង្វង់ ទិសដៅពីក្រោមទៅខាងលើ ចលនាស្រាលៗ ដើម្បីកុំឱ្យខូចស្បែក ឬយារធ្លាក់។

៤. ផ្តោតសំខាន់លើការប្រើក្រែមការពារកម្តៅថ្ងៃ

ពន្លឺព្រះអាទិត្យមានឥទ្ធិពលយ៉ាងសំខាន់ទៅលើស្បែក វាអាចធ្វើឲ្យស្បែកស្រអាប់ ខ្មៅ បង្កើនហានិភ័យនៃការលើតមានស្នាមខ្មៅ ស្រអាប់ រំខានដល់ការផលិតកូឡាជែន ដែលនាំទៅរកសញ្ញានៃភាពចាស់មុនអាយុ។ ដូច្នេះហើយ អ្នកគួរតែយកចិត្តទុកដាក់លើការការពារកម្តៅថ្ងៃប្រចាំថ្ងៃ ដោយលាបឡេការពារកម្តៅថ្ងៃ ២ដងក្នុង១ថ្ងៃ ខណៈពេលដែលត្រូវប្រើឆ័ត្រ មួក និងរបស់របរការពារឲ្យបានច្រើន ដើម្បីការពារស្បែកឲ្យបានកាន់តែល្អ។

៥. ទទួលទានផ្លែឈើឱ្យបានច្រើន និងគេងឱ្យបានគ្រប់គ្រាន់

បន្ថែមពីលើការខិតខំប្រឹងប្រែងលើស្បែកខាងក្រៅ យើងគួរឧស្សាហ៍ញ៉ាំផ្លែឈើជារៀងរាល់ថ្ងៃ។ ផ្លែឈើជួយបំពេញបន្ថែមនូវបរិមាណដ៏ច្រើននៃជាតិសរសៃ និងវីតាមីន C ដើម្បីជួយប្រឆាំងនឹងអុកស៊ីតកម្ម ធ្វើឱ្យស្បែកស និងការពារភាពចាស់។

ទោះបីជាអ្នកយ៉ាងណាក៏ដោយ ក៏កុំភ្លេចគេងឱ្យបានគ្រប់គ្រាន់ជារៀងរាល់ថ្ងៃ។ លុះត្រាតែរាងកាយបានសម្រាកពេញលេញ ទើបស្បែកមានឱកាសបង្កើតឡើងវិញ និងការពារភាពចាស់ប្រកបដោយប្រសិទ្ធភាព។

៦. គ្រប់គ្រង់ការបរិភោគ

អ្នកគួរតែកំណត់របបអាហារ កុំឲ្យទទួលទានឆ្អែតពេក។ ទទួលទានអាហារជាប្រចាំ ៣ ពេលក្នុងមួយថ្ងៃ ជាមួយការកំណត់បរិមាណត្រឹមត្រូវ។ ទាំងនេះនឹងជួយអ្នកឱ្យជៀសវាងការស្រូបយកអាហារច្រើនពេក ដែលបណ្តាលឱ្យមានការប្រមូលផ្តុំជាតិខ្លាញ់។ លើសពីនេះ ត្រូវព្យាយាមបរិភោគយឺតៗ ទំពារឲ្យបានហ្មត់ចត់ ដើម្បីបង្កើតអារម្មណ៍ឆ្អែតលឿន និង កាត់បន្ថយការបរិភោគអាហារច្រើនពេក។

៧. ហាត់ប្រាណជាប្រចាំថ្ងៃ

បង្កើតទម្លាប់ហាត់ប្រាណផ្ទាល់ខ្លួនរបស់អ្នក ដូចជាការដើរ ការទៅកន្លែងហាត់ប្រាណជារៀងរាល់ថ្ងៃ។ នេះនឹងជួយឱ្យអ្នកមានសុខភាពល្អ និងរាងស្អាត។ ការធ្វើលំហាត់ប្រាណក៏ជួយជំរុញការរំលាយអាហារ បំបាត់ភាពកខ្វក់ រក្សាស្បែកឱ្យមានសភ្លឺរលោងផងដែរ ។

ខាងលើនេះគឺជាគន្លឹះមួយចំនួនដែលជាជំនួយដល់ការថែរក្សាស្បែករបស់អ្នកជារៀងរាល់ថ្ងៃ។ Admin សង្ឃឹមថាអ្នកនឹងអនុវត្តវាយ៉ាងមានប្រសិទ្ធភាព ហើយកុំភ្លេចថា មន្ទីរពេទ្យNANA មានប្រូម៉ូសិនជាច្រើនសម្រាប់កញ្ចប់ថែរក្សាស្បែកសម្រាប់គ្រប់ប្រភេទស្បែក! អញ្ជើញមក NANA ដើម្បីទទួលយកបទពិសោធន៍នៃដំណើរការថែរក្សាស្បែកប្រកបដោយប្រសិទ្ធភាព

***************************************